Maanav Jigyaasa Aur Khoj
Yosmogen - Igniting Passion, Shaping Futures
Episode: Maanav Jigyaasa Aur Khoj
Dosto, pichle session me kuch sawal Prashant Mahasagar ke bare me, aur Kalpana Chawla ke bare me the. In sawalo me mai kuch aur sawal jod deta hun: International Space Station kiya hai? Stephen Hawking kon hain? Rakesh Sharma kon hai? Elon Musk kon hai? Aaj hum in sab ke bare me janenge.
Jese ki humne pichle session mai jana, humare brahmand mai ek sooraj hai aur 8 grah uske chakkar lagate hai, lekin ek prithvi hi esa grah hai jis par jeevan hai. Baki kisi bhi grah par jeevan nahi hai. Sooraj pe hum ja nahi sakte kyuki woh aag ka gola hai, chand prithvi ke chakar lagata hai, aur insan chand par ja bhi chuka hai.
Kai sadiyo pehle insaan ko jigyasa hui ki asman ke uss par kiya hai. Wo saadiyo tak doorbeen se dekh kar khojta raha. Pehle insaan ne ye mana ki sooraj prithvi ke chakker lagati hai. Phir samjha ki prithvi sooraj ke chakkar lagati hai. Jab insaan prithvi se brahmand ko dekhte dekhte thak gaye, tab uss ne aasman ke uss par jaane ka socha. Kai saalo ki mehnat ke baad, Russia se ek rocket launch hua aur pehla insaan jo space mai gaya uska naam tha Uri Gagarin. Is tarah insaan ne pehli baar space se prithvi ko dekha.
Man on Moon (1969) Iss ke baad America ne rocket antriksh me bheja. Kuch safalta ke baad America ne rocket chand par bhi bheja jisme insaan bhi gaye the. Aap log shayad unme se ek ka naam jante hoge – pehle insaan jisne chand par kadam rakha – Neil Armstrong.
Saare Jahaan Se Achcha (1984) Kuch saalo baad iss daud mai bharat bhi shamil ho gaya, jab Rakesh Sharma russian rocket mai baith kar space mai jaane wale pehle indian bane. Rakesh Sharma ne space se humari tab ki Prime Minister Indira Gandhi se baat bhi kari. Indira Gandhi ne Rakesh Sharma se pucha "Upar se Bharat kaisa dikhta hai aapko?" - jiske jawab mai Rakesh Sharma ne kaha "Saare jahaan se achcha Hindustan hamara".
Space Mai Ghar Is tarah se space mai anne jaane ka silsila shuru ho gaya. Ab insaan ko laga ki har bar antriksh me jaane bahut mehnga hota hai; khatra bhi bhaut hota hai aur agar kuch dino tak lamba experiment karna ho tou rukne ke liye koi jagah bhi nahi hai. Tab kuch desho ne mil kar antriksh me ek kaksha (station) banayi—International Space Station (ISS). Yahan insaan naye naye experiment karta hai. Ye ek rocket hi hai jo prithvi ke charo taraf ghumta rehta hai.
Bharat Ki Ek Beti Karnal mai janmi bharat ki ek beti Kalpana Chawla, jo america ki astronaut banke space mai gayi aur kuch din international space station par rahi. Space se wapas aate hue unka rocket blast ho gaya aur sare astronauts ki death ho gayi. Par Kalpana Chawla ne Karnal ko, India ko, aur har ek Indian ko garv mehsus karaya.
The Future & Mars Ek famous space scientist - Stephen Hawking ne bataya ki laakho saal pehle asteroid prithvi par gire the jis se dinosaurs ka khatma ho gaya tha. Unhone kaha ki agar esa dubara ho gaya toh insaan toh bachega nahi, isliye iss brahmand mai ek aur ghar dhundna padega.
Tab scientists ne socha ki Mars grah (jo ki prithvi se kafi milta julta grah hai), kiyo na us ko hi apna naya ghar bana le. Bahut se countries ke scientists ne mars par rocket beje par sirf 4 desh hi safal ho paye hain. Jin me se ek mission Mangalyaan, India ka bhi hai.
Aur duniya ke sab se amir admi, Elon Musk, ne mars par ghar banane ko apne jivan ka mission hi bana liya hai. Elon Musk ka plan hai ki agle 5 se 10 saal me wo insaan ko mars par bhej denge aur wahan rahne ke liye ghar bhi banayenge, khane ke liye fasal bhi ugayenge, aur oxygen bhi banayenge.
Back to Moon and Beyond America ki space agency NASA chand pe dobara jane ke liye kaam kar rahi hai. Aur kuch saalo mai chand par insaan ja kar rahna shuru kar dega. Iske ilawa ek aur possibility hai ki insaan space me ek bahut bada rocket/station banaye jisme lakho log ja kar rah sake.
Aaj Humne Jaana:
- Insaan ne rocket se antriksh ki yatra ki.
- Chand par kadam rakha.
- Mars par rocket pahuchaya.
- India ke Rakesh Sharma aur Kalpana Chawla ne space ki yatra ki.
- Insaan brahmand me ek naya ghar basane par kaam kar raha hai.